پاکستانی دولہا کی اپنی شادی کی تقریب میں ایسی ناقابل یقین انٹری کہ دنیا میں دھوم مچ گئی، معروف ریسلرز بھی اس پر تبصرے کرنے لگے

شادی کا دن ہرکسی کیلئے یادگار ہوتاہے ،اس موقع کوزیادہ سے زیادہ خوشگوار بنانے اور سب کی توجہ کا مرکز ہونے کے ساتھ ساتھ اپنی خواہشات پوری کرنے کی بھی کوشش کی جاتی ہے ، ایسا ہی کچھ لاہور میں ایک شہری نے گزشتہ سال کیا تھا جو ڈبلیوڈبلیو ای کے ریسلرٹرپل ایچ سے اتنا متاثر تھا کہ شادی کے فنکشن میں بھی ایسی انٹری دے ڈالی جیسی ٹرپل ایچ رنگ میں دیتے ہیں۔

ٹرپل ایچ کا تاثر دینے کی کوشش میں شادی کے شرکاءکی تالیوں کی گونج میں دولہا سرخ قالین پر ہیوی ویٹ چیمپئن شپ بیلٹ کندھوں پر لٹکائے داخل ہوا جبکہ پس منظر میں کسی رومانوی میوزک کی بجائے ’ یہ وقت گیم کھیلنے کا ہے‘( its time to play the game ) کی دھنیں سنائی دے رہی تھیں۔ دولہے کی اس اینٹری کی ویڈیو سوشل میڈیا پر وائرل ہوئی اور خبروں میں جگہ بنانے میں کامیاب ہوگئی۔

گزشتہ سال مارچ میں ہونے والی اس شادی کے بعد جیسے یہ ٹرینڈ بنتا جا رہا ہے اور لوگ اپنے پسندیدہ ریسلرز کے سٹائل میں شادی ہال میں انٹری دینے لگے ہیں۔ اب کی بار ایک پاکستانی دولہا نے معروف ریسلر انڈر ٹیکر کے روپ میں اپنی شادی کی تقریب میں آ کر سب کو حیران کردیا، دیکھتے ہی دیکھتے ان صاحب کی ویڈیو بھی دنیا بھر میں مقبول ہو گئی۔